Грузијка ја изненади Ѓорческа, Македонската тенисерка елиминирана во Словенија

18 април 2025 - 13:14

Македонската најдобра тенисерка Лина Ѓорческа беше запрена во второто коло на турнриот во Копер (Словенија) откако претрпе пораз од Екатерина Горгодѕе со 2-1 во сетови.

Ѓорческа влезе како благ фаворит во мечот, но Горгодѕе приреди изненадување и по победата над втората носителка ја елиминираше и македонската тенисерка.

Победата Грузијката ја обезбеди за точно два часа игра. Првиот сет и припадна на Горгодѕе со 7-5, додека во вториот Ѓорческа издоминира и не дозволи на противничката ниту гем (6-0).

Сепак, третиот одлучувачки сет донесе подобра игра на Грузијката која го освои сетот со 6-2 и така стигна и до конечен триумф. Турнирот во Копер се игра за награден фонд од 60.000 долари.