Ла Лига се жали на одлуката дека Олмо може да игра за Барселона

07 април 2025 - 22:29

Шпанската лига поднесе административна жалба против одлуката на Националното спортско собрание со која се дозволува на фудбалерите на Барселона, Дани Олмо и Пау Виктор да играат до крај на сезоната.

Највисокото спортско тело во Шпанија неодамна донесе одлука која ја израдува Барселона, меѓутоа шпанската Ла Лига не се предава и бара итна судска реакција.

Хавиер Тебас смета дека со оваа одлука биле прекршени правилата и се нарушува интегритетот на натпреварувањето, но го крши и принципот на еднаквост меѓу клубовите.

Ла Лига претходно ѝ издаде на Барселона привремени лиценци за Олмо и Виктор до 31 декември, но потоа ги повлече.