Реал по којзнае кој пат се крена „од мртвите“ и се пласира во финалето од Копа дел Реј (ВИДЕО)

Во реванш полуфиналниот меч од ова натпреварување, Реал и Сосиедад одиграа нерешено (4-4), но поради триумфот во првиот натпревар во Сан Себастијан со 1-0, во дуелот за титулата оди „кралскиот клуб“. Баскијците беа многу блиску до сензационален успех бидејќи на десетина минути пред крајот водеа со 3-1, пред се поради двата автогола на Алаба (едниот му е припишан на Ојарзабал, но топката на патот кон голот го погоди Австриецот и го промени правецот).

За среќа на Реал, само две минути по третиот гол на Сосиедад, Винисиус се проби карактеристично, по левата страна, го програ Белингам, а овој намали на 2-3, за во 86. минута Чуамени по корнерот на Родриго да го постави конечниот резултат кој му одговараше на Реал и го однесе во финалето. Иако се чинеше дека Сосиедад е готов, гостите продолжија да напаѓаат и тоа вроди со плод во петтата минута од судиското надополнување кога Ојарзабал по трет пат го доведе во предност својот тим. По бурниот финиш на основниот дел, продолженијата беа нешто помирни, но на сцена стапи талисманот на Реал, Антонио Ридигер кој во 115. минута го постигна голот вреден пласман во последната фаза од Купот.

Мечот за трофејот е на програмата на 26 април во Севиља, а противник на Реал ќе му биде подобриот од утрешниот дуел меѓу Атлетико и Барселона.