Анчелоти удри по ВАР-технологијата: Ова е опасно за спортот!

18 февруари 2025 - 16:16

Тренерот на Реал Мадрид, Карло Анчелоти повторно зборуваше за судиските одлуки во шпанското првенство, а Италијанецот овој пат тврди дека ВАР-технологијата не треба да има голема улога во светот на фудбалот.

Реал се налути поради одлуките на судијата на мечот против Осасуна кога му беше покажан црвен картон на Џуд Белингам, а потоа и досуден пенал за домаќините.

„ВАР-системот одзема многу судиски одлуки. Сметам дека тоа е опасно. ВАР треба да биде тука само за важни одлуки на теренот. ВАР е опасен затоа што некогаш од контекст може да се извадат одредени работи, сметам дека не треба толку многу да се користи“, кажа Анчелоти.