Јован Манев се врати во Хрватска, потпиша за Ријека

11 февруари 2025 - 12:27

Maкедонскиот репрезентативец Јован Манев е нов фудбалер на Ријека каде што пристигнува како слободен играч по раскинувањето на соработката со Адана Демиспор.

Манев со хрватскиот клуб потпиша договор до 2027 година со опција за продолжување на уште една сезона, а ќе го носи дресот со број 16.

Кариерата Манев ја започна во Брегалница каде што одигра 30 натпревари пред да се пресели во Адана. Има искуство и во Хрватска бидејќи минатата сезона како позајмен фудбалер беше дел од Осијек.

За репрезентацијата на Македонија одигра десет натпревари и постигна еден гол.