Уште две засилувања во Пролет за вториот дел од сезоната

31 јануари 2025 - 17:22

По Никола Стоилевски и Стефан Атанасовски, Пролет денеска се засили со уште двајца ракометари пред продолжението од домашното првенство.

Нови членови на скопскиот клуб се 19-годишниот Стефан Јовевски и 22-годишниот Јован Фичорски. Јовевски е пивот и досега беше член на тимот на Бутел, од каде му се приклучува на Пролет. Фичорски е ракометар кој претходно беше дел на младинската екипа на Пролет, имаше и настапи за првиот тим на овој клуб, а по неколку месеци во редовите на Скопје сега повторно е негов член.

По смртта на Александар Јовиќ, Пролет во вториот дел од сезоната ќе биде предводен од Никола Матлиевски кој се враќа на тренерска позиција.