Падна и Аталанта: Наполи е зрел за нова титула (ВИДЕО)

18 јануари 2025 - 22:47

Откако пред две години го прекина тридеценискиот пост во Серија А, екипата на Наполи покажува дека е зрел за нова титула во италијанскиот шампионат.

На едно од најтешките гостувања, Наполи ја совлада Аталанта со 3-2 за шести триумф во низа со кој се одлепи на шест бода од Интер иако со два натпревара повеќе. Со денешниот меч почна лудата серија тешки натпревари на Наполи кој во следното коло го пречекува Јувентус, потоа игра уште со Рома, Удинезе и Лацио, а во март со Интер, Фиорентина и Милан.

До победата, тимот од Неапол стигна по голот на Ромелу Лукаку во 78. минута откако претходно двете екипи по еднаш беа во водство. Аталанта поведе преку Ретеги во 16. минути за до полувреме Наполи да го сврти резултатот во своја корист преку Политано и Мектоминеј. Локман израмни на стартот од вториот дел, а Лукаку стави точка на возбудувањата на овој натпревар.

За Аталанта ова беше четврти натпревар по ред без победа и сега има седум бода помалку од својот вечерашен ривал.