Само бод за Милан против Каљари (ВИДЕО)

11 јануари 2025 - 22:44

Фудбалерите на Милан не успеаа да слават и одиграа само реми против Каљари во рамките од 20. коло во Серија А.

Доминираше Милан и упати дури 22 удари кон противничкиот гол, но тоа не беше доволно за да ги освои трите бода на оваа средба.

Во првите 45 минути не видовме голови, а потоа Мората во 51. минута го отвори резултатот. Предноста на „росонерите“ беше актуелна само четири минути бидејќи Зортеа веќе во 55. минута го израмни резултатот.

На табелата по ова реми Милан останува на осмата позиција со 28 бода, додека Каљари е 18-ти со 18 бода.