Фантастичниот Харден го засени историскиот трипл дабл на Јокиќ (ВИДЕО)

Со тоа дојде до 138. трипл дабл во кариерата, па сега пред него се само Оскар Робертсон со 181 и Расел Вестбрук со 200. Сепак, ниту таквата игра на српскиот репрезентативец не му помогна на Денвер да влезе во ритам и да врзе две победи по ред. Клиперс славеа со 126-122 и сега имаат три победи повеќе од Денвер, но се четири меча плус од тимот од Колорадо.

Натпреварот во Лос Анџелес го одбележаа големите осцилации во играта и резултатот. Клиперс имаа +11 во првата четвртина (32-21), а Денвер водеше со 10 разлика во третиот период (83-73). Домашниот тим успеа да го преброди тоа и да се врати во водство, во последниот период се водеше голема борба, Нагетс се доближија на еден поен негатива, но на крајот славеше екипата од Лос Анџелес.

Прво име на натпреварот, сепак, беше Џејмс Харден кој постигна 39 поени, 11 асистенции и 9 скока. Меѓу другото, стана и втор играч во историјата на НБА, по Стеф Кари, кој ја пробил границата од 3.000 тројки во кариерата. Се истакна и Пауел со 28 поени додека кај Денвер немаше уште еден играч што ќе му помогне на Јокиќ во клучните моменти.

РЕЗУЛТАТИ
Кливленд - Бостон 115-111
Њујорк - Њу Орлеанс 118-85
Торонто - Мајами 119-116
Хјустон - Оклахома 119-116
Јута - ЛА Лејкерс 104-105
Портланд - Далас 131-137
Сакраменто - Сан Антонио 125-127
ЛА Клиперс - Денвер 126-122