Ѓоковиќ му ја исполни последната желба на Дел Потро – го имитираше Надал (ВИДЕО)

Меѓу бројните моменти со кои ги насмеа присутните, се истакна неговата имитација на Рафаел Надал, која беше иницирана од самиот Дел Потро.

„Имитирај го Надал!“, му довикна Аргентинецот, на што Ѓоковиќ со насмевка одговори: „Сега?“ Дел Потро возврати со потврден израз, како да вели „Кога, ако не сега?“

Популарниот Ноле без двоумење ја покажа својата вештина за имитации, потсетувајќи на неговите рани денови од кариерата кога редовно ги засмејуваше фановите со пародии на познати тенисери, вклучувајќи ги Надал, Роџер Федерер и Марија Шарапова. И овој пат, публиката во аргентинската престолнина со смеа и аплауз го награди неговиот забавен настап, додавајќи специјален шарм на „последниот танц“ на Дел Потро.