Алкалоид го заверува пласманот во осминафиналето од ЕХФ Купот

30 ноември 2024 - 11:46

Ракометарите на Алкалоид денеска од 19:00 часот го играат реванш натпреварот против австриски Вест Виен во кој се очекува да го потврдат пласманот во осминафиналето.

Алкалоид издоминира во вчерашниот прв натпревар и славеше убедлива победа од 11 голови разлика (38-27). „Сините“ од Автокоманда повторно и во реваншот играат пред својата публика, па така треба чудо да се случи за Австријците да ја надополнат огромната негатива по првата средба.

Ако денеска Алкалоид ја одработи задачата како што се очекува во осминафиналето ќе игра против подобриот од двомечот помеѓу Пореч и Крка, тука првиот дуел заврши со победа на Крка на гостински терен од 21-23.