Првпат по ерата на Мурињо, Интер врза четири победи во Лигата на шампионите

27 ноември 2024 - 11:58

Италијанскиот првак Интер синоќа го совлада Лајпциг со 1-0 и ја оствари четвртата победа во низа во Лигата на шампионите со што привремено застана на првото место на табелата во елитното натпреварување.

Освен тоа, ова е првпат по 2010 година, „нераѕурите“ да врзат четири триумфи по ред во Лигата на шампионите. Таа година тренер на Интер беше Жозе Мурињо, а миланскиот тим ја оствари својата трета и досега последна титула во ЛШ.

Интер ја почна сезоната со реми без голови против Манчестер Сити, а потоа ги победи Црвена Звезда со 4-0 и Јанг Бојс, Арсенал и Лајпциг со по 1-0. Со тоа привремено е на првото место на табелата, со меч повеќе од Ливерпул и е единствен без промен гол по пет одиграни кола.