На Мбапе не му оди најдобро, но Перез верува: Тој ќе биде историско засилување!

26 ноември 2024 - 15:19

Претседателот на Реал Мадрид, Флорентино Перез верува дека Килијан Мбапе допрва ќе потврди колку големо засилување е за кралскиот клуб.

Францускиот напаѓач не блеска како во дресот на ПСЖ, повремено покажува што знае, но никако да врзе континуитет со добри настапи.

„Килијан Мбапе ќе биде историско засилување исто како што беше неговата презентација“, вели Перез.

„Килијан дојде во Реал Мадрид со тоа што направи напор каков што никој не може ни да замисли. И веќе ни помогна да ја освоиме првата титула оваа сезона, Суперкупот“.