Перез: Академијата на Реал Мадрид е најдобра во светот!

Во последно време стигнуваат големи пофалби за академијата на Барселона од каде првиот тим на Каталонците црпи млади а исклучително квалитетни фудбалери, некои од нив имаат и само 17 години како што се Јамал и Кубарси.

Но, Флорентино Перез смета дека перцепцијата на луѓето е погрешна, според него академијата на Реал Мадрид не само што е подобра од таа на Барселона, туку е најдобра во светот.

„Академијата на Реал Мадрид е најдобрата во светот“, тврди Перез.

„Во моментов има 191 фудбалер на Реал Мадрид во про лигите. 51 во првата дивизија, 56 во втората дивизија и 84 во странските лиги“.

„Академијата на Реал Мадрид е најпродуктивна оваа година“.