Роналдо е машина - со два гола му донесе триумф на Ал Наср (ВИДЕО)

25 ноември 2024 - 19:06

Кристијано Роналдо беше најзаслужен за победата на Ал Наср против Ал-Харафа (3-1) во петтото коло од азиската Лига на шампиони.

По првото полувреме во кое мируваа мрежите, Роналдо на стартот на вториот дел стрелаше за предност од 1-0, по што Ангело го зголеми водството на Ал Наср.

Роналдо во 64. минута повторно беше стрелец за Ал Наср, додека почесниот погодок за домаќините го постигна Хоселу во 75. минута.

Ал Наср има четири победи во Лигата на шампиони и се наоѓа на втората позиција со 13 бодови, односно два помалку од Ал Ахли.