УЕФА и сѐ е можно: Осум безимени селекции ќе учествуваат во ждрепката за СП 2026!

Хрватска, како единствен претставник од регионот и тогаш нема да знае со кого ќе игра, бидејќи заедно со уште седум екипи ќе настапи во завршницата на Лигата на нации во март и јуни. Во ждрепката за квалификациите за следниот Мундијал наместо имињата на осумте четвртфиналисти во Лигата на нации, УЕФА ќе напише на ливчиња „победник на четвртфиналето 1, 2, 3, 4“, како и „поразен во четвртфиналето на Лигата на нации 1, 2, 3, 4“. Победниците ќе одат во некоја од четирите групи со по четири тима, а преостанатите четири ќе бидат поделени така што со ждрепка ќе бидат одредени две екипи во групи со по четири тима, а две во групи со по пет тима.

Тимовите кои ќе се пласираат на фајнал-фор турнирот од Лигата на нации во јуни ќе играат во термините на квалификациските натпревари, додека другите репрезентации, вклучувајќи ја и Македонија, ќе играат за пласман на Мундијалот. Учесници во четвртфиналето на Лигата на нации се Португалија, Франција, Германија, Шпанија, кои ќе бидат во првата група при извлекувањето на двојките и кои ќе ги одмерат силите со една од селекциите на Хрватска, Италија, Холандија и Данска.

Ова и не е така лошо за македонската репрезентација, која ќе се најде во третиот барабан и која сигурно ќе биде во група со пет селекции, во која, сепак, ќе нема некоја од селекциите од завршницата во Лигата на нации, што дефинитивно не е за потценување.