Јокиќ пропушта втор по ред меч на Денвер – позната е и причината!

17 ноември 2024 - 14:57

Српскиот кошаркар и центар на Денвер Нагетс, Никола Јокиќ, е неизвесен за дуелот против Мемфис Гризлис, кој се игра вечерва на полноќ по наше време.

Тој не настапи ниту на претходниот натпревар против Њу Орлеанс Пеликанс, кој неговиот тим го загуби (94-101), прекинувајќи серија од пет последователни победи. Причината за неговото отсуство сè уште не е официјално објавена, но со сигурност се вели дека тоа е поврзано со раѓањето на неговото второ дете, бидејќи неговата сопруга Наталија треба да се породи.

Покрај Јокиќ, Денвер ќе биде без Арон Гордон, кој исто така нема да настапи на вечерашниот натпревар, а меѓу повредените играчи кои веќе подолго време отсуствуваат се и Дерон Холмс и Влатко Чанкар.

Јокиќ има фантастичен почеток на сезоната, со просек од 29,7 поени, 13,7 скокови и 11,7 асистенции по натпревар.