Денвер без Јокиќ е (пот)просечен тим – загуби од десеткуваниот Њу Орлеанс (ВИДЕО)

16 ноември 2024 - 09:30

Кошаркарите на Денвер Нагетс без Никола Јокиќ во тимот не успеаја да слават ниту против ослабениот тим на Њу Орлеанс Пеликанс, кој настапи без својата стартна петорка поради повреди.

Нагетси загубија на ноќешното гостување во рамките на „НБА купот“ со резултат 101-94, во меч кој Србинот го пропушти поради „семејни обврски“. Брендон Инграм со 29 поени беше најефикасен за домаќините, додека Мајкл Портер Џуниор постигна 24 поени за Денвер.

http://

Во еден од највозбудливите натпревари на вечерта, Диарон Фокс блесна со 60 постигнати поени, но неговиот Сакраменто Кингс загуби на домашен терен од Минесота Тимбервулвс по продолженија со 126-130. Домантас Сабонис додаде 23 поени за „кралевите“, а Ентони Едвардс беше прв стрелец за победничкиот тим со 36 поени.

Резултати од останатите натпревари: Торонто – Детроит 95-99, Орландо – Филаделфија 98-86, Индијана – Мајами 111-124, Сан Антонио – ЛА Лејкерс 115-120, Њујорк – Бруклин 124-122, Кливленд – Чикаго 144-126, Атланта – Вашингтон 129-117, Оклахома – Феникс 99-83, Хјустон – ЛА Клиперс 125-104, Голден Стејт – Мемфис 123-118.