Роналдо стана фудбалер со најмногу победи во националниот дрес

16 ноември 2024 - 07:41

Португалскиот фудбалер Кристијано Роналдо ја предводеше својата репрезентација до победа од 5-1 против Полска, а притоа се запиша во историјата.

Роналдо постигна два од петте гола на натпреварот, меѓу кои еден беше и со „ножички“, а воедно стигна и до 132. победа со националниот тим.

Португалецот со тоа го надмина легендарниот Серхио Рамос, кој досега беше на врвот со 131 победа со Шпанија.