Реал Мадрид изработи специјален дрес во чест на Модриќ (ФОТО)

На местото наменето за спонзорите пишува Лука, на клупскиот грб стои буквата М, а таму каде обично е поставено логото на производителот на спортска опрема е означено дека е капитен.

„Како играч повеќе ми значат тимските трофеи, а ако морам да бирам некој, тоа е титулата во Лигата на шампионите во 2014 година. Таа беше прва за мене и десетта за клубот. Датумот 27 август 2012 година е еден од најсреќните во мојот живот бидејќи тогаш потпишав за Реал“, изјави Модриќ.

Со оглед на тоа што е во 40. година од животот, извесно е дека оваа сезона ќе биде последна за него во тимот на Реал иако се уште нема официјална информација каде, евентуално, би продолжил.