Зошто Аморим го избрка Ван Нистелрој? Многу е итар!

13 ноември 2024 - 17:14

Иако Руд ван Нистелрој експрено стана миленик на навивачите на Манчестер Јунајтед бидејќи како привремен менаџер оствари три победи и едно реми на четири натпревари, Рубен Аморим одлучи дека не му е потребен како член на стручниот штаб и го избрка од тимот.

За многумина, ваквата одлука беше чудна, а ја искоментира некогашниот капитен на клубот Рио Фердинанд.

„Ако имате таков човек како помошник и работите не тргнат како што треба, знаете дека навивачите ќе почнат да го бараат него за главен тренер. Навивачите го сакаа, сега го сакаат уште повеќе. Аморим е намачкан со сите бои и е итар, а ова покажува колку подготвен пристигнал во Јунајтед“, анализира Фердинанд.

Португалскиот стручњак пред два дена официјално го презеде Јунајтед, но за десетина дена официјално ќе дебитира на клупата.