Можеше да постигне гол, но ја прекина акцијата: Фудбалер на Порто воодушеви со фер-плеј потег (ВИДЕО)

04 ноември 2024 - 15:52

Во натпреварот на Порто против Есторил за викендот видовме фер-плеј потег каков што не се гледа често на фудбалските терени.

Фудбалерот на Порто, Бразилецот Пепе влезе во идеална прилика за постигнување на гол, но претходно имаше дуел со Педро Амарил од спротивниот табор.

Ривалот на Пепе се сруши на теренот и остана да лежи чекајќи помош, а во тие моменти Пепе не тргна да ја заврши акцијата, туку застана да се укаже помош на противникот.

Најголем дел од фудбалерите веројатно би тргнале кон завршување на акцијата, но Пепе се одлучи да го стави здравјето на ривалот на прво место.