Поранешен фудбалер загина во поплавите во БиХ – најден е гушнат со сопругата!

07 октомври 2024 - 10:30

Големите поплави ја потресоа Босна и Херцеговина (БиХ) во изминатите неколку дена, а меѓу жртвите е и еден поранешен фудбалер – Јасмин Чилиќ кој до пред извесно време настапувал за нисколигашот Клис од Бутуровиќ Поле.

Според информациите на тамошните медиуми, неговото безживотно тело било пронајдено во прегратка со сопругата, која исто така го загубила животот.

„ФК Клис изразува сочувство до семејствата, пријателите и познаниците на сите жртви. Во Бутуровиќ Поље меѓу жртвите и исчезнатите има наши долгогодишни навивачи, додека поплавата во Јабланица му стави крај на животот на поранешниот фудбалер на ФК Клис, Јасмин Чилиќ“, се вели во објавата на овој босански клуб.

Најмалку 20 лица загинаа во поплавите што деновиве ја погодија БиХ. Најпогодени беа Јабланица, Коњиќ, Кисељак, Крешево и Фојница, а беа прогласени денови на жалост, па сите спортски настани во оваа земја минатиот викенд беа одложени.