„Играч на 36 години е МВП... сите во Јунајтед треба да се засрамат“
За играч на натпреварот беше прогласен ветеранот Џони Еванс кој има 36 години и за некогашниот бугарски репрезентативец тоа е скандалозно.
„Сите што играа на овој меч треба да засрамат кога МВП на натпреварот е 36-годишен фудбалер. Критиките се оправдани затоа што Јунајтед е на 14. позиција што е неверојатно за таков клуб“, рече Бербатов.
Џони Еванс е единствен во актуелниот тим на Јунајтед кој учествуваше во освојувањето на последната титула на овој клуб во Премиер лигата, во 2013 година кога за екипата од Олд Трафорд настапуваше и Бербатов. По заминувањето во 2015, Еванс играше за ВБА и Лестер, но се врати лани и го дава максимумот иако е на залезот на кариерата.