„Гробари“ го навредуваа, Станојевиќ излезе најголем господин

01 октомври 2024 - 21:52

По дебаклот од Црвена Звезда минатата недела, тренерот на Партизан, Александар Станојевиќ спогодбено го напушти клубот, а една од причините за тоа беше притисокот од најжестоките навивачи на неговиот клуб.

„Гробари“ го нарекоа предавник затоа што одби да се потпише на иницијативата „Апел за спас на Партизан“, па по поразот од Звезда му викаа дека го продал клубот и брутално го навредуваа. Станојевиќ, сепак, покажа дека е господин и тоа во моментите кога Партизан се наоѓа во можеби најтешка ситуација во своето постоење.

Иако клубот требаше да му исплати дел од парите од договорот, 50-годишниот стручњак одлучи да се откаже од сите побарувања. Неговата годишна плата изнесуваше 700 илјади евра.