Американец кој играл за Њукасл ќе ја организира играта на Работнички!

06 јули 2024 - 17:55

Екипата на Работнички продолжува со ангажирањето на странски кошаркари во пресрет на новата сезона, откако неколку дена по потпишувањето на Михаило Јовичиќ (Србија) го ангажираа и американскиот интернационалец Весли Персон јуниор (28 год, 191 см).

Станува збор за искусен бек, кој пет години наназад настапува за тимови надвор од САД, а прва станица му беше италијанскиот второлигаш Росето. Потоа беше дел од унгарските Корменд и Седек и англиски Њукасл, а во „Градски Парк“ доаѓа по сезона мината во дресот на фински Корихаит.

Новото засилување на Работнички е попознат како син на поранешната НБА-ѕвезда, Весли Персон сениор, кој 11 години настапуваше во најсилната лига на светот и тоа за екипите на Феникс, Кливленд, Мемфис, Портланд, Атланта, Мајами и Денвер.