Американец кој играл за Њукасл ќе ја организира играта на Работнички!
Станува збор за искусен бек, кој пет години наназад настапува за тимови надвор од САД, а прва станица му беше италијанскиот второлигаш Росето. Потоа беше дел од унгарските Корменд и Седек и англиски Њукасл, а во „Градски Парк“ доаѓа по сезона мината во дресот на фински Корихаит.
Новото засилување на Работнички е попознат како син на поранешната НБА-ѕвезда, Весли Персон сениор, кој 11 години настапуваше во најсилната лига на светот и тоа за екипите на Феникс, Кливленд, Мемфис, Портланд, Атланта, Мајами и Денвер.