![](https://sport1.mk/files/styles/article/public/article/2024/07/01/230141-francija-povtorno-pobedi-so-avtogol-i-obezbedi-chetvtfinale-video.jpg?itok=d6CPRHpY)
Франција повторно победи со автогол и обезбеди четвртфинале (ВИДЕО)
Двете репрезентации започнаа претпазливо и во првиот дел скоро и да не видовме некоја посериозна прилика. Французите ја имаа иницијативата, меѓутоа изостануваа оние 100% прилики за гол.
Белгија беше повлечена на својата половина и чекаше шанса од контра. Второто полувреме донесе подинамична игра, Франција одново повеќе напаѓаше, Белгија повторно имаше помалку напади, но од тие што ги имаше некои беа и тоа како опасни.
Моментот на одлука се случи во 85. минута кога трагичарот од Мундијалот во Катар, Коло Муани се најде во шеснаесетникот шутираше од свртување, а топката од Вертонген заврши во мрежата.
🚨🚨| GOAL: KOLO MUANI OPENS THE SCORING FOR FRANCE!!!
— CentreGoals. (@centregoals) July 1, 2024
France 1-0 Belgium
pic.twitter.com/YxGEW7A3md
Франција така до втората победа на шампионатот стигна повторно со автогол откако во првото коло од групната фаза на сличен начин ја победија и Австрија. Во ремито против Полска Мбапе погоди од пенал.
Во четвртфиналето Франција ќе игра против подобриот од натпреварот помеѓу Португалија и Словенија кој се игра вечерва.