![](https://sport1.mk/files/styles/article/public/article/2024/06/24/229578-gardijan-se-prashuva-aj-shto-gi-navreduvashe-srbite-ama-zoshto-makedoncite.jpg?itok=sXOb3RQt)
Гардијан се прашува: Ај што ги навредуваше Србите, ама зошто Македонците?
Со неговиот проблем деновиве се занимаваат речиси сите светски медиуми и никој не може да сфати како еден професионален фудбалер го искористи првенството за испраќање политички пораки и навреди кон цели народи. Денеска на таа тема пишува и угледни британски весник Гардијан, а на авторот на текстот му се нејасни некои работи во овој случај.
„Даку е Албанец роден во Косово и нетрпеливоста и омразата со Србија се добро познати и документирани. Логиката да се навредуваат Македонците, не e очигледнa и е нејасна“, пишува, меѓу другото, Гардијан.
Даку е роден во Гњилане во 1998 година, во периодот на најголемите тензии меѓу Србите и Албанците на Косово кои една година подоцна резултираа со воена интервенција на НАТО. Во 2020, Даку дебитираше за косовската репрезентација, но лани го смени дресот и заигра за Албанија со која обезбеди пласман на Европското првенство.