Тилеманс со рекордно брз гол ја донесе Белгија во водство (ВИДЕО)

22 јуни 2024 - 21:16

Само 73 секунди ѝ беа потребни на белгиската репрезентација да дојде во водство на дуелот против Романија.

Стрелец беше Јури Тилеманс кој со прецизен удар ја круниса асистенцијата на Лукаку за прв гол на Белгија на Европското првенство во Германија.

Воедно, тоа е и најбрз гол за белгискиот национален тим на големите натпреварувања со што Тилеманс се запиша и во историјата на својата репрезентација.