Гостивар го освои Охрид и остана единствен непоразен, Воска со спорниот пенал до победа!

12 ноември 2022 - 15:21

Амбициозниот Гостивар останува единствен непоразен во Втората лига, откако денеска победи во дербито кај залетаниот Охрид, па со 2-1 привремено дојде на првото место на табелата, зашто досегашниот лидер Вардар утре го игра својот меч со Беласица.

Антонио Каланоски во 26-та минута и Стојанчо Велинов во 75-та минута постигнаа два гола со кои гостиварци дојдоа до деветата победа сезонава во 12 меча и сега имаат 30 бода со меч повеќе од Вардар, кој е на 28..

Воска спорт го победи Арсими и повтрно контроверзно откако судиите измислија пенал за водство, па охриѓани на крајот славеа со 2-1 против дебитантот во второлигашката конкуренција за да се зацврстат на третото место, сега со 27 бода во трката за позициите кои водат во прволигашкото друштво.

Изаир Емини погоди од спорниот пенал што го обезбеди Ален Јашароски, а Бехар Фета ја завери победа за Воска.

Охрид со поразот остана четврти со 22 бода, додека Арсими со 13 бода остана во втората половина од табелата на 10-та позиција.