Напаѓачот на Пабло Мари прозборе: Го избодев од завист, тој е добар а јас не!

Се вика Андреа Томболини, има 46 години и според италијанските медиуми, многу искрено ѝ раскажал на полицијата за нападот. Мотивите биле завист кон Мари, но не само затоа што е успешен фудбалер.

„Кога видов дека меѓу муштериите има фудбалер на Милан (ова се однесува на Пабло Мари од Монца н.з.), почувствував завист, бидејќи тој беше добар, а јас сум лошо. Го избодев со ножот кој го имав во раката и можев да застанам на тоа, но не знам што стана со мене и почнав да бодам и други луѓе“, изјавил Томболлини пред полицијата во Милано.

Кога го прашале што чувствуваше во тие моменти кога ги напаѓаше другите луѓе

„Ако треба да го опишам чувството, веројатно завист, бидејќи тие луѓе беа добро, а јас сум болен“, рекол Томболини.

Работата е во тоа што ова е човек, кој бил под психолошки надзор, затоа што бил убеден дека има тумор на мозокот и дека умира, а тоа не било случај. Ќе му се суди за едно убиство и два обида за убиство, бидејќи меѓу петте нападнати, едниот, 30-годишниот касиер во „Карфур“ починал, а двајца биле толку тешко повредени, што обвинителството го оквалификувало како обид за убиство.

Нападот се случи во четвртокот, во периферијата на Милано. Пабло Мари се здоби со мускулни рани и по хируршката интервенција му се предвидува вараќање на терените во јануари.