Заре Марковски се раздели со Пистоја за помалку од два месеци!

27 декември 2024 - 12:07

Поранешниот македонски кошаркарски селектор, Заре Марковски не се задржа многу на тренерската функција на италијанскиот прволигаш Пистоја, тој заминува по серија од шест порази.

Пистоја објави дека на обострана согласност е прекината соработката со македонскиот тренер, Заре Марковски.

Италијанската екипа се наоѓа во серија од шест порази по ред, па тоа беше главната причина за заминувањето на Македонецот.

Нов тренер на Пистоја ќе биде словенечкиот стратег Гашпер Окорн кој во исто време ќе биде и селектор на Унгарија.