Дончиќ против Вембањама, лесна група за Јокиќ и другарите на ЕП 2025 (ФОТО)

27 март 2025 - 15:33

Двајца од петте најдобри кошаркари во НБА во моментов, Лука Дончиќ и Виктор Вембањата, ќе играат помеѓу себе уште во прелиминарната фаза на ЕП 2025, секако ако двајцата прифатат да бидат дел од селекциите на Словенија односно Франција.

Денешната ждрепка за претстојниот Еуробаскет се одржа во Рига и ги одреди групите за натпреварувањето што ќе се игра од крајот на август до почетокот на септември. Најдобар распоред добија Никола Јокиќ и другарите со оглед што селекцијата на Србија ќе игра во Летонија со Естонија, Португалија, Чешка, Турција и домашната репрезентација.

Актуелниот светски првак Германија доби многу потежок распоред, бидејќи падна во групата во Тампере каде што ќе игра против домаќинот Финска, како и против Литванија, Шведска, Велика Британија и Црна Гора. Групата Ц носи возбудлив дуел и тоа против бранителот на титулата Шпанија против Грција на Кипар.

Во нокаут-фазата ќе се пласираат најдобрите четири екипи од секоја група, а завршниот дел од првенството ќе се одржи во Рига.