Дебакл на јуниорките со 66 разлика, во две четвртини не дадоа ни поен!

28 јули 2021 - 15:02

Женската јуниорска репрезентација на Македонија до 18 години доживеа вистински дебакл во пресметката со врсничките од Словенија, откако за 40 минути успеаа да дадат само 22 поени и да загубат со 66 поени разлика (22-88) во мечот на кој во две од четирите четвртини не дадоа ни поен и останаа на нула.

Дека ни се спрема бродолом најава беше ужасната прва четвртина во која не го видовме кошот, па не успеавме да погодиме ниту еднаш и Словенките стигнаа до убедливи 34-0, а првиот кош успеавме да го дадеме во втората минута од вториот период, па на крајот не ни беше изненадувачки убедливиот пораз со 66-разлика.

Да не застане само на убедливите 34-0 во првиот период, македонските јуниорки ужасниот настап го надополнија без даден кош и во последната четвртина која ја завршија со негатива 0-30.

Марија Димитриевиќ со седум поени од 22-та севкупно на нашата селекција беше најефикасна.