Фудбалска еуфорија во Грција: Федерацијата добила повеќе од 100.000 барања за влезници!

28 септември 2026 - 13:42

Голем интерес владее за следните два натпревари на фудбалската репрезентација на Грција во Лигата на нации. Според пишувањето на грчки „Спорт24“, на листата на чекање за билети за натпреварите со Холандија и Германија има повеќе од 100.000 луѓе.

Грција двата натпревари ќе ги одигра на стадионот „Тумба“ во Солун. Холандија ја пречекува на 1 октомври, во третото коло од Лигата на нации, а Германија три дена подоцна, во четвртото коло.

Грчкиот портал наведува дека побарувачката за билети е толку голема што со нив стадионот „Тумба“ би можел да се наполни неколку пати и дека распродажбата на билетите е само прашање на време.

За репрезентацијата која ја предводи Иван Јовановиќ, претстојните натпревари се важни и поради пласманот во Лигата на нации. Со пласман во четвртфиналето, Грција би обезбедила опстанок во најсилната дивизија и место во Лигата А во сезоната 2028/29.

Како што истакнува „Спорт24“, резултатите во Лигата на нации влијаат и врз позицијата на Грција пред ждрепката за квалификациите за Европското првенство во 2028 година.

Место меѓу носителите би ѝ го олеснило патот кон првото големо натпреварување по Светското првенство во 2014 година. Причината за ваквата еуфорија е одличниот почеток и победите во првите две кола и тоа на гостински терен против Србија 2-1 и вчера со Германија 1-0.