Богдановиќ: Никој не веруваше во нас, но го покажавме нашиот квалитет!

10 септември 2023 - 22:22

Германија славеше против Србија со 83-77 во финалето на Светското првенство (СП), а капитенот Богдан Богдановиќ кажа дека е горд на неговите соиграчи.

Богдановиќ кажа дека никој не верувал во нив пред почетокот на Мундобаскетот, но го покажале својот квалитет.

„Кога почна турнирот никој не веруваше во нас. Можам да кажам дека сум среќен и горд на овие момци. Вложивме многу труд на теренот. Германија со години ја гради оваа екипа и докажаа дека се подобри од нас во моментов“, кажа Богдановиќ.