ТФТ го „прегази“ Куманово и му се реваншира со камата за поразот во првиот меч во БИБЛ!

26 ноември 2020 - 21:54

Кошаркарите на ТФТ продолжуваат со одличните игри во новата сезона, особено во Балканската лига (БИБЛ), откако вечерва дојдоа до вториот триумф во третиот меч и тоа во пресметката со Куманово (83-54).

Тоа беше своевиден реванш со камата за поразот во првиот меѓусебен натпревар од регионалното натпреварување. Гостите единствено што направија беше да поведат со 7-0, по што составот од скопската населба Тафталиџе ја презеде контролата врз играта и резултатот, за огромни плус 24 (49-25) на полувремето. Домаќинот на стартот од последниот период ги имаше и највисоките плус 34, за потврда на веќе освоените два бода.

Лахланд Андерсон беше најпрецизен кај ТФТ со 30 поени и седум скока, додека Тајрон Харис додаде 18 поени со седум скока и осум асистенции. Кај кумановци, Александар Андрејевиќ постигна 15 поени со 11 скока.