Средбите на МЗТ во АБА ќе се пренесуваат и на - македонска телевизија (ВИДЕО)

27 септември 2022 - 11:50

Регионалната кошарка по подолго време се враќа на програмите на македонските телевизии, откако денеска е објавена информацијата дека Македонската телевизија (МТВ) ќе ги пренесува сите средби на МЗТ Скопје во претстојната сезона во АБА-лигата.

За „металците“ ова е враќање во јадранското друштво по пауза од четири години, период во кој настапуваа во второлигашката регионална конкуренција и тоа без присуство на македонските телевизии.

Првиот меч е веќе в недела, кога македонскиот шампион ѝ гостува на Црвена звезда, додека првиот пренос од „Јане Сандански“ ќе биде на 10 октомври и тоа против Партизан предводен од најтрофејниот европски тренер, Жељко Обрадовиќ.