Скандал во БиХ: Кошаркар за време на химната се држеше за – меѓуножјето (ВИДЕО)

03 декември 2024 - 10:13

На натпреварот од босанската елита помеѓу Градина и Брчко, кој се одигра изминатиот викенд, се случи инцидент што го привлече вниманието на јавноста, откако кошаркарот на гостинскиот тим, Душан Илиќ, за време на интонирањето на химната на БиХ направи гест кој ги шокираше присутните – се држеше за меѓуножјето (видеото погледнете го ТУКА).

Овој негов потег предизвика големи реакции, при што многумина го протолкуваа како чин на непочитување кон националниот симбол. Посебно внимание привлече фактот дека Душан е брат на Војин Илиќ, репрезентативец на БиХ и кошаркар на Игокеа, кој важи за пример на професионализам и почит кон својата татковина.

Една од причините за ваквиот непримерен гест е фактот што Илиќ е роден во Република Српска, која официјално е дел од БиХ, но најголем дел од тамошните жители не се сметаат за Босанци и сакаат припојување со Србија.