Куманово исфрлен од БИБЛ и повеќе не смее да учествува во лигата

26 ноември 2021 - 20:41

Кошаркарскиот клуб Куманово неславно ги завршува настапите во регионалното кошаркарско натпреварување БИБЛ. Лигата реши да го исфрли нашиот тим поради неподмирување на обврските кон натпреварувањето, судиите и целосно потфрлање на организацијата на натпреварите. 

Иако кумановци пред извесно време ја информирале лигата дека ги решиле сите интерни проблеми во тимот и дека ќе продолжат адекватно со нивното учество во БИБЛ, сепак до последниот даден рок, 25 ноември, клубот не преземал практично ништо. 

Поради ова Куманово е исфрлен од БИБЛ и сите нивни досегашни резултати со останатите тимови во рамки на групата А ќе бидат избришани. На двата досегашни натпревари на домашен паркет запиша два порази.

Од БИБЛ соопштија дека Куманово по втор пат е исфрлен од натпреварувањето во тек на актуелна сезона, па затоа македонскиот претставник со сегашното раководство повеќе нема право да аплицира за настап во лигата.