Бивш НБА-кошаркар дојде пијан на тренинг, сакаше да тепа соиграчи, па доби отказ за седум дена!

08 септември 2020 - 13:24

Американскиот кошаркар Глен Рајс Јуниор доби отказ од литвански Јувентус Утена по само седум дена минати во екипата.

Медиумите открија дека Рајс правел проблеми и на пат кон Литванија, а „листата со гревови“ е долга.

Најпрво го пропуштил летото за Литварнија, а потоа го пропуштил и вториот лет кон Амстердам. Потоа ја игнорирал препораката на властите да биде во изолација додека не му стигнат резултатите од тестот на ковид-19 и уште првата ноќ завршил во локален бар.

Ден подоцна го критикувал клубот поради условите кои ги добил, а потоа почнал да лудува по ноќни клубови. Едно утро пристигнал пијан на тренинг, па се шегувал со соиграчите и сакал да се тепа, а тоа бил неговиот крај.