Трипл-дабл на Вембанјама каков што не е виден од 1996 година (ВИДЕО)

13 февруари 2024 - 10:18

Виктор Вембанјама со сигурност е идна мегаѕвезда во НБА, а дека за тоа има огромен потенцијал, покажува со секој нов натпревар.

На синоќешниот дуел против Торонто, на кој Сан Антонио славеше со 122-99, францускиот центар направи нешто што не е видено 28 години. Тој оствари трипл-дабл, но неконвенционален, не со поени, скокови и асистенции, туку со поени, скокови и блокади.

Вембанјама беше најефикасен играч со 27 поени, додаде 14 скока и дури 10 блокади, а оствари и пет асистенции. Такво нешто последен пат му успеа на Хаким Олајџувон кој во 1996 година оствари трипл-дабл со поени, скокови и блокади, плус пет аасистенции. Последниот трипл-дабл со поени, скокови и блокади во НБА е виден во јануари 2021 година.