Спарси го урнаа митот за Оклахома - ќе играат за помалку важниот трофеј во НБА (ВИДЕО)

14 декември 2025 - 08:32

Кошаркарите на Сан Антонио Спарс се пласираа во финалето на НБА купот, откако во синоќешното полуфинале во Лас Вегас ја совладаа Оклахома сити тандер (111-109) со што ѝ го нанесоа само вториот пораз сезонава.

Со ова, „спарси“ ја прекинаа серијата на „громовите“ од 16 победи по ред, иако тие во мечот влегоа како фаворити. И покрај водството од плус 16 во првото полувреме, екипата на Сан Антонио направи пресврт и во неизвесна завршница ја задржа минималната предност до самиот крај. Победата беше резултат на тимска игра – Девин Васел постигна 23 поени, додека Фокс, Касл и Вембањама додадоа по 22. Кај Оклахома, Шај Гилџус-Александер беше најефикасен со 29 поени.

Сан Антонио во финалето на НБА купот ќе се сретне со тимот на Њујорк Никс, кој го совладаа Орландо меџик (132-120), предводен од Џејлен Брансон (40 поени). Финалето се игра на 17 декември од 2.30 часот по македонско време.