Сан Антонио со 18 тројки го растури најдобриот тим на Истокот (ВИДЕО)

Тоа не донесе пробив на табелата, бидејќи Спарс се заклучени на второто место на Западот, но ваквите натпревари сигурно ќе значат многу за тимот на Мич Џонсон во градењето самодоверба пред плејофот. Гостите беа одлични, особено Девин Васел (28 поени, 7/11 за три) и Џулијан Шампањ (17, 5/8 за три), но и стандардниот Виктор Вембанјама (21 поен, 17 скока, 6 блокади), Стефон Касл (16 поени, 11 асистенции) и Диерон Фокс (10 поени, 7 скока, 7 асистенции).

На другата страна, Џејлен Дуран постигна 25 поени, со 14 скока, а Кејд Канингем постигна 16 поени, со 10 асистенции и 6 скока. Роналд Холанд додаде 15 поени и 11 скока.

Натпреварот во Детроит го оправда епитетот дерби, со оглед на тоа што дилемата околу победникот беше решена дури во последната четвртина. Сан Антонио влезе одлично во натпреварот и направи серија од 14-2, но Пистонс го свртеа резултатот и ја добија првата четвртина во своја корист (27-24). Следувше период на промени во водството, сè до средината на третата четвртина, кога Спарс повторно поведоа со двоцифрена разлика. Домаќините сега не беа во можност повторно да го свртат резултатот, ниту да го направат крајот на натпреварот драматичен.

Победникот го одлучи фантастичниот шут од дистанца на Спарс кои погодија 18 тројки од 40 шута (40%). За разлика од нив, домаќините реализираа едвај седум тројки од 36 обиди. Ова беше само 14. пораз на Детроит оваа сезона, исто колку што има и Оклахома, водечкиот тим во Западната конференција. Спарс сега се приближија на три победи од Тандер, со натпревар помалку, но се соочуваат со тежок распоред, со уште четири гостувања во низа: во Торонто, Бруклин, Њујорк и Филаделфија.

РЕЗУЛТАТИ
Детроит - Сан Антонио 103-114
Мемфис - Сакраменто 114-123
Хјустон - Јута 125-105