Сан Антонио го има рецептот за шампионот (ВИДЕО)

24 декември 2025 - 08:13

Вторпат во период од десет дена, Сан Антонио Спарс го победија актуелниот шампион во НБА лигата, Оклахома Сити Тандер.

По триумфот во полуфиналето на НБА Купот, тимот од Тексас овој пат беше подобар од Шеј и пријателите на домашен терен со 130-110. Одлучувачко за победата на Спарс беше брилијантното второ полувреме кое го доби со 22 поена разлика. Џонсон постигна 25, Касл 24, Барнс 20, Васел 17, па дури и скромниот учинок на Вембанјама од 12 поени и 5 скока беше доволен за победа.

На спротивната страна, Шеј Гилџес Александер беше најефикасен со 33 поени и 8 асистенции, но немаше соодветна поддршка. Ова беше негов 101. натпревар по ред со 20 или повеќе постигнати поени.

Од вкупно четири порази оваа сезона, Оклахома претрпе два од тимот на Сан Антонио кој се наоѓа на второто место во Западната конференција. И покрај поразот, шампионот останува суверен на првото место на табелата и најдобар тим во лигата со биланс 26/4.

РЕЗУЛТАТИ
Шарлот - Вашингтон 126-109
Филаделфија - Бруклин 106-114
Атланта - Чикаго 123-126
Кливленд - Њу Орлеанс 141-118
Индијана - Милвоки 94-111
Мајами - Торонто 91-112
Далас - Денвер 131-130
Минесота - Њујорк 115-104
Сан Антонио - Оклахома 130-110
Феникс - ЛА Лејкерс 132-108
Јута - Мемфис 128-137
Портланд - Орландо 106-110
Сакраменто - Детроит 127-136
ЛА Клиперс - Хјустон 128-108