Ова е најлудиот кош за победа во историјата на кошарката – преку цел терен (ВИДЕО)

12 јуни 2025 - 12:16

Кошаркарот на аргентинскиот тим Феро, Емилијано Лескано, постигна една од најневеројатните тројки во историјата на кошарката, откако со кош преку цел терен со звукот на сирената му донесе победа на својот тим.

Во драматичната завршница на натпреварот против Бока Јуниорс, при резултат кој носеше продолжение (73-73) или победа за противникот кој имаше напад, Лескано успеа да украде топка на само 1,6 секунди до крајот. Без многу размислување, со една рака ја фрли топката преку цел терен. И покрај тоа што не го гледаше кошот, топката влезе чисто – „без коски“, директно во мрежичката.

Со оваа победа, Феро поведе со 2-1 во финалната плејоф-серијата на аргентинското првенство и е на чекор до титулата. Доколку тимот ја освои шампионската круна, Лескано без сомнение ќе биде запаметен како херојот на сезоната.