Никола Јокиќ изминатава сезона ги надмина легендараните Чембрлен и Џабар!

Без разлика што веќе е почната летната пауза во НБА-лигата, статистичарите продолжуваат да наоѓаат во кои се статистички категории бил (нај)добар Никола Јокиќ, кој вторпат по ред беше избран за најкорисен (МВП) играч на сезоната.

Српскиот интернационалец изминатото првенство бил прв по пауза од повеќе од четири децении кој шутирал со просек поголем од 58-отсто во сезоната во која бил избран за МВП. Пред него тоа го имаат направено само Вилт Чембрлен во 1967 и 1968 година, како и Карим Абдул Џабар во 1980 година.

Јокиќ, сепак, е подобар од двете големи легенди бидејќи до ваквиот шутерски процент дошол со поентерски просек поголем од 25 поени. Србинот минатата сезона ја заврши со 27,1 просечно реализиран поен со 58,3-отстотна прецизност од поле.