И на најдобрите им се случува: Јокиќ го одигра најкатастрофалниот меч во кариерата

Тимот од Колорадо ја оствари својата цел и со брејк се враќа дома, но тоа не може да го покрие фактот што Јокиќ одигра катастрофално лошо, всушност најлошо откако е во НБА лигата. Кога ќе се земе предвид крајната статистика, тоа можеби и не делува толку ужасно бидејќи постигна 17 поени, осум скока и шест асистенции што е под неговиот просек, но не делува катастрофално.

Сепак, тој од игра шутираше 6/16 од игра, беше надигран од противничките центри, но и губеше топки, ништо не му одеше од рака и најважно од се, беше многу нервозен. Тоа и беше причината што теренот го напушти во третата четвртина поради шест лични грешки.

Податокот кој потврдува колку навистина одигра лошо е статистичката категорија +/- што кај него изнесуваше -36. Тоа е негов најлош ефект во кариерата, сметајќи ги натпреварите и во основниот дел од сезоната и од плејофот.