„Грчкиот ѕвер“ броеше до 50, охриѓанецот Осман блескаше против Клиперс (ВИДЕО)

30 јануари 2023 - 09:17

Турскиот репрезентативец Чеди Осман, кој е роден во Охрид и кој постојано потенцира дека е горд на своето македонско потекло, беше најзаслужениот за ноќешниот триумф на неговиот Кливленд кавалирс во пресметката со ЛА клиперс (122-99).

Тој постигна 29 поени и тоа со максимални седум од седум во шутевите за три поени, на кои додаде по два скока и асистенции. Веднаш зад него со учинокот за „коњаниците“ беше Гарланд со 16 поени и 10 асистенции, додека најпрецизен кај гостите беше Бостон со 24 поени, а Браун постигна 13 поени со дури 16 скока. Осман со овие седум тројки се искачи на шестата позиција на вечната листа најдобри тројкаши на Кливленд, со можност набрзо да биде и петти.

Гркот Јанис Адетокумпо, пак, блескаше во победата на Милвоки бакс на домашен терен против Њу Орлеанс пеликанс (135-110). Тој со 50 поени и 13 скока им ја донесе на „елените“ 33. победа во 50. меч сезонава, со што се на третата позиција на Истокот, зад Бостон и Филаделфија. Кај гостите најрасположен беше Алварадо со 18 поени и шест асистенции.

Во третиот меч од ноќешната програма во НБА, Мемфис гризлис излезе подобар во пресметката со Индијана пејсерс (112-110).