Џејмс ги водеше Лејкерс до убедлив триумф против Кливленд (ВИДЕО)
Домашните кошаркари одиграа неверојатно второ полувреме во кое постигнаа 81 поен, што беше најмногу за Лејкерс во последните 33 години. Леброн Џејмс го водеше победничкиот тим со 31 поен, а дабл-дабл постигна Двајт Хауард со 21 поен и 15 скока. Лејкерс трет натпревар играат без Ентони Дејвис, кој на дуелот со Њујорк падна лошо на грбот, а во составот го немаше ниту Ражон Рондо.
Кевин Лав со 21 поен и 11 скока беше најдобар во редовите на Кливленд, а Тристан Томсон исто така имаше дабл-дабл со 17 поени и 10 скока.
Лејкерс по 40 натпревари сезонава имаат скор од 33 победи и само седум порази.
НА ОСТАНАТИТЕ НАТПРЕВАРИ
Детроит - Њу Орлеанс 110-117
Индијана - Филаделфија 101-95
Бостон - Чикаго 113-101
Минесота - Оклахома 104-117
Портланд - Шарлот 115-112
Сакраменто - Орландо 112-114